Жаңалықтар

Теміржолмен сапар кезінде сақталуы тиіс негізгі ережелер

08.08.2025

1 мин

0

424

Сурет: ҚТЖ

"Жолаушылар тасымалы" АҚ пойыздарда қауіпсіздік пен тәртіп сақтау — әрбір жолаушының міндеті екенін еске салды, - деп хабарлайды Dauletten.kz.

Компания барлық жолаушылардың жайлылығын қамтамасыз ету мақсатында бірқатар әрекеттерге қатаң тыйым салынатынын хабарлады.

Атап айтқанда, пойыздарда:

1.    Билетсіз жүруге;

2.    Балаларды құжатсыз алып жүруге;

3.  Тиісті төлемсіз және рәсімсіз багажды тасымалдауға;

4.    Құжатсыз жануарларды алып өтуге;

5.    Шылым мен электронды темекі шегуге;

6.  Төтенше жағдайсыз стоп-кранды іске қосуға;

7.    Есірткі, жарылғыш және өткір заттарды тасымалдауға;

8. Агрессия көрсетуге немесе жанжал шығаруға;

9.    Пойыз жүріп бара жатқанда түсуге;

10. Вагонды ластауға немесе мүлікті бүлдіруге;

11.    Алкоголь ішуге (мейрамхана-вагоннан басқа жерде) — қатаң тыйым салынады.

Бұл талаптарды бұзған жағдайда жолаушыға әкімшілік шара қолданылып, келесі станцияда пойыздан түсірілуі мүмкін.

Қызмет сапасына қатысты шағым немесе ұсыныстарды жолаушылар:

•    WhatsApp арқылы +7 776 714 5686 нөміріне;

•    Вагондардағы QR-код арқылы;

•  1433 тегін нөміріне қоңырау шалу арқылы жолдай алады.

Компания бұл ережелердің "Теміржол көлігімен жолаушылар, багаж және жүк-багажды тасымалдау қағидаларына" сәйкес бекітілгенін атап өтті. "Жолаушылар тасымалы" АҚ барлық жолаушыларды белгіленген тәртіпті қатаң сақтауға шақырды.