|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Президент Қасым-Жомарт Тоқаевтың төрағалығымен Қауіпсіздік Кеңесінің кезекті отырысы өтті, - деп хабарлайды Dauletten.kz Ақордаға сілтеме жасап.
Жиын барысында ішкі және сыртқы көші-қон бағытындағы негізгі үрдістер талқыланды. Кездесу барысында Премьер-министрдің орынбасары Ермек Көшербаевпен қатар, ішкі істер, цифрлық даму, инновациялар және аэроғарыш өнеркәсібі, еңбек және халықты әлеуметтік қорғау министрлері баяндама жасады.
Мемлекет басшысы көші-қон саясатын жүргізу барысында геосаяси жағдайларды, демографиялық болжамдарды және халықтың көшу себептерін ескеру қажеттігін атап өтті.
Сонымен қатар, Президент заңсыз көші-қонның алдын алу шараларын күшейту мен елдің адами капиталын дамытуға бағытталған тетіктерді жетілдірудің маңыздылығына назар аударды.
Отырыс қорытындысында үкіметке нақты тапсырмалар жүктелді. Атап айтқанда, мемлекеттік органдардың функционалдық міндеттерін қайта саралап, көші-қонға қатысты барлық ақпараттық жүйелерді біріктіру бойынша жұмысты жандандыру тапсырылды.
