|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
АҚШ президенті Дональд Трамп Азия, Африка және Латын Америкасында орналасқан 12 мемлекеттің азаматтарына елге кіруге толық тыйым салатын жарлыққа қол қойды, - деп хабарлайды Dauletten.kz.
Ақ үй таратқан мәліметке сәйкес, бұл шешім ұлттық қауіпсіздік пен сыртқы саясат мүддесіне сай қабылданған.
Толық тыйым салынған елдер мыналар:
Ауғанстан, Мьянма, Чад, Конго Республикасы, Экваториалдық Гвинея, Эритрея, Гаити, Иран, Ливия, Сомали, Судан және Йемен.
Сонымен қатар тағы 7 елдің азаматтарына қатысты ішінара шектеулер енгізілді. Олар: Бурунди, Куба, Лаос, Сьерра-Леоне, Того, Венесуэла және Түрікменстан.
Жарлық 2025 жылғы 9 маусымнан бастап күшіне енеді.
Бұл шешім Трамптың алғашқы президенттік мерзімінде қабылданған көші-қон шектеулерінің жалғасы ретінде қарастырылып отыр. АҚШ Жоғарғы соты аталған шараларды бұрын да Конституцияға сай деп таныған болатын.
