|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
АҚШ президенті Дональд Трамп пен Еурокомиссия төрағасы Урсула фон дер Ляйен Еуроодаққа қатысты тарифті көтеру туралы шешімнің 9 шілдеге дейін шегерілгенін мәлімдеді, - деп хабарлайды Dauletten.kz.
Фон дер Ляйен бұл жөнінде X әлеуметтік желісіндегі парақшасында Трамппен телефон арқылы сөйлескенін жазды.
- ЕО мен АҚШ – әлемдегі ең маңызды әрі тығыз сауда серіктестері. Еуропа келіссөздерді батыл әрі шапшаң жүргізуге дайын. Жақсы келісімге келу үшін бізге 9 шілдеге дейін уақыт қажет, – деді Еурокомиссия басшысы.
Кейін Трамп фон дер Ляйеннің жазбасынан скриншот жариялап, жаңа тарифтердің енгізілуі 9 шілдеге дейін кейінге қалдырылғанын растады. Ол бұл бастаманың фон дер Ляйен тарапынан болғанын атап өтті.
- Мен 2025 жылдың 9 шілдесіне дейін кейінге шегеруге келісім бердім – бұл маған ұнады. Комиссия басшысы келіссөздердің тез басталатынын айтты, – деп жазды Трамп.
Еске сала кетсек, өткен аптада Трамп Еуроодақтан импортталатын барлық тауарларға 50 пайыздық баж салығын енгізу жоспарын жария еткен болатын.
Сондай-ақ, наурыз айының соңында ол Еуроодақ пен Канаданы егер олар “АҚШ экономикасына зиян келтіру мақсатында” бірігіп әрекет етсе, бұдан да қатаң тарифтермен қорқытқан еді.
Ақпан айында Трамп ЕО-дан әкелінетін тауарларға, соның ішінде автокөліктерге 25 пайыздық тариф салынатынын мәлімдеген.
Сонымен қатар, өткен аптада ол Apple компаниясына егер олар iPhone өндірісін АҚШ-тан тыс жерде жалғастырса, кемінде 25 пайыздық тариф салынатынын ескерткен.
