|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Дональд Трамп өзін іс жүзінде "жалақысын қайырымдылыққа жұмсайтын" жалғыз президент деп атады. Ол тапқан қаражатын қандай мақсаттарға бағыттағанын да баяндады, - деп хабарлайды Dauletten.kz.
АҚШ-тың бұрынғы президенті Truth Social әлеуметтік желісінде жазба жариялап, Джордж Вашингтоннан кейінгі кезеңде "жалақысын қайырымдылыққа жұмсаған жалғыз президент" екенін мақтан ететінін атап өтті.
- Алғашқы жалақымды Ақ үйдің Тарихи қауымдастығына бердім, себебі Халық үйін жөндеу қажет еді, – деп жазды Трамп.
Сондай-ақ ол Ақ үйде "негізі қаланғаннан бері болмаған" ауқымды өзгерістер мен көріктендіру жұмыстары жүргізіліп жатқанын жеткізді.
Айта кетсек, Трамп бұл жерде Ақ үйдегі жаңа бал залының құрылысын меңзеген болуы мүмкін. Жақында әлеуметтік желілерде Трамптың Ақ үйдің шатырына шығып, президент резиденциясын жаңарту бойынша түрлі нұсқаларды қарастырып жүрген сәтінен видео тарады. Сол уақытта бал залының құрылысына демеушілер шамамен 200 миллион доллар бөлуге дайын екені айтылған.
Ал Ақ үйдің баспасөз хатшысы Кэролайн Ливитт бал залының құрылысын қыркүйек айында бастау жоспарланып отырғанын және барлық жұмыстар "президент Трамптың өкілеттігі аяқталғанға дейін аяқталатынын" мәлімдеді
