|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
8 тамыз күні сағат 04:30 шамасында Қызылсай – Шымкент учаскесіндегі күзетілетін теміржол өткелінде HOWO маркалы жүк көлігі маневрлік тепловозбен соқтығысты, - деп хабарлайды Dauletten.kz.
Алдын ала мәлімет бойынша, жүк көлігінің жүргізушісі жақындап келе жатқан пойыздың алдын кесіп өтіп, жол ережесін бұзған.
Оқиға салдарынан қаза тапқандар жоқ. Жүргізуші түрлі жарақаттармен ауруханаға жеткізілді.
Жол-көлік оқиғасы үш жолаушылар пойызының қозғалысына әсер етіп, олар уақытша тоқтатылды. Сағат 07:18-де учаскедегі қозғалыс толық қалпына келтірілді.
"ҚТЖ" ҰК" АҚ жүргізушілерді теміржол өткелдерінен өту кезінде аса сақ болуға және жол ережелерін қатаң сақтауға шақырды. Компания ережені бұзу материалдық шығынмен қатар, адам өмірі мен денсаулығына қауіп төндіретінін ескертеді.
