|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ресейдің Ленинград облысы, Усть-Луга кентінде қазақстандықтар қатысқан жаппай төбелеске байланысты бірнеше адам қамауға алынды. Үшеуі тергеу аясында қалды, қалғандары 10 тәулікке әкімшілік жауапқа тартылды, - деп хабарлайды Dauletten.kz.
28 наурыз күні Усть-Лугадағы вахталық кентте қазақстандықтар қатысқан төбелес орын алды. Алғашқы деректерге сәйкес, жанжалға бірнеше жүз адам қатысып, әртүрлі елдерден 30-дан астам азамат ұсталған. Бастапқы тергеу нәтижесінде олардың басым бөлігі босатылды.
- Әкімшілік құқықбұзушылық бойынша кейбір тұлғаларға, оның ішінде Қазақстан азаматтарына қатысты 10 тәулікке қамау туралы сот шешімі шығарылды. Тағы үш Қазақстан азаматы тергеу аясында қалып отыр. Қазақстан азаматтары арасында зардап шеккен немесе медициналық көмекке мұқтаж адамдар жоқ. Барлық азаматтарға қажетті консулдық-құқықтық көмек көрсетілуде, – деп хабарлады СІМ.
Вахталық кенттегі жағдай тұрақты. Оқиғаға қатысқан тараптармен кездесулер ұйымдастырылып, жанжалдың қайталанбауы үшін қабылданатын шаралар талқыланды. Қазіргі уақытта үш қазақстандық тергеу аясында, қалғандары 10 тәулікке әкімшілік жауапқа тартылды.
Сонымен қатар, әлеуметтік желілерде тараған видеоларға қарағанда жанжал қазақстандықтар мен жергілікті күзет қызметкерлері арасындағы келіспеушіліктен басталған. Оқиғаға қатысқандардың әрекеттері тергеудің қорытындысы бойынша құқықтық бағаланады.
