Жаңалықтар

Үздік шабандоз ару анықталады

06.03.2023

1 мин

0

858

Астанада 8 наурыз Халықаралық әйелдер күніне орай қыздар арасында конкурдан ашық біріншілік өтеді, деп хабарлайды Dauletten.kz Астана әкімдігінің ресми сайтына сілтеме жасап.

8 наурызда «Арғымақ» ат-сауықтыру спорт кешенінде Астана, Қарағанды, Алматы, Ақмола облыстарынан келген ат құлағында ойнайтын нәзік жандыларды анықтайды.

Жүлде қоры - 6 000 000 теңге.

Жарысқа қатысушылар биіктігі мен күрделілігі бойынша 4 санатта бақ сынасады:

Бірінші санат – Әуесқойлар санаты, 105 см;

Екінші санат – Балалар санаты 12-15 жас, 110 см;

Үшінші санат – Ашық сынып санаты, 120 см;

Төртінші санат – Екі кезеңнен тұратын ашық санаты, 120 см.

Байқау Астана қаласы әкімдігінің қолдауымен және Астана қаласының Ұлттық және олимпиадалық ат спорты түрлерінің федерациясының ұйымдастыруымен өтеді.

Фото: ашық дереккөз