|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Конституциялық реформалар жөніндегі комиссия Қазақстанның жаңартылған Конституциясының жобасын көпшілік назарына ұсынды, - деп хабарлайды Dauletten.kz.
Құжатты әзірлеу барысында азаматтардан, саяси күштер мен қоғамдық ұйымдардан түскен ұсыныстар ескеріліп, ашық талқылаулар өткізілген.
Бастама Мемлекет басшысы Қасым-Жомарт Тоқаевтың Парламент құрылымын өзгерту жөніндегі ұсынысынан бастау алып, 2025 жылғы Жолдауда көтерілген. Кейін арнайы жұмыс тобы құрылып, қоғамнан көптеген пікір жиналды. Ал 2026 жылғы қаңтарда өткен Ұлттық құрылтайда реформаның өзектілігі атап өтілді.
Жоба адам құқықтары мен бостандықтарын қорғауды негізгі басымдық ретінде айқындап, мемлекеттік басқару мен саяси жүйені жаңғыртуға бағытталған. Онда бір палаталы Парламент құру, жаңа консультативтік органдарды енгізу және вице-президент институтын қалыптастыру көзделген. Өзгерістер Конституция мәтінінің басым бөлігін қамтиды.
Жаңа Конституция жобасымен Конституциялық соттың ресми сайтынан оқи аласыздар.
