|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматы әуежайында көлік тұрақтарының санын арттыру үшін жаңа көпқабатты паркинг салу жоспарланып отыр. Бұл жоба жолаушыларға қолайлы жағдай жасауға бағытталған, — деп хабарлайды Dauletten.kz.
Алдағы жылдары Алматы әуежайының инфрақұрылымы айтарлықтай жаңартылмақ. Соның ішінде автотұрақ мәселесін шешу үшін ескі паркинг орнына жаңа, бірнеше қабаттан тұратын заманауи тұрақ салынады. Жоба жүзеге асқаннан кейін тұрақ орындарының саны 1 000-нан 2 200-ге дейін ұлғаяды.
Сонымен қатар, әуежайдағы ішкі терминалды жаңғырту жұмыстары да аяқталуға жақын. Жоспар бойынша, құрылыс шілде айында тәмамдалады. Нәтижесінде терминалдың өткізу мүмкіндігі едәуір өсіп, жылына 7 миллион жолаушыға дейін қызмет көрсетуге мүмкіндік туады.
Әуежай аумағын дамыту мұнымен шектелмейді. Алдағы уақытта жолаушылар мен экипаж мүшелеріне арналған жаңа қонақүй салу көзделген. Құрылыс жұмыстарын 2027 жылы бастау жоспарланып отыр.
