Жаңалықтар

Жаңа заң аясында қанша қазақстандықтың үйінен шығарылғаны белгілі болды

13.02.2025

1 мин

0

721

Сурет: depositphotos

Былтыр енгізілген заңнамалық түзетулерге сәйкес, отбасылық-тұрмыстық зорлық-зомбылыққа байланысты 51 қазақстандық уақытша тұрғын үйінен шығарылды. Бұл туралы ІІМ Әкімшілік полиция комитетінің Отбасылық-тұрмыстық зорлық-зомбылыққа қарсы күрес басқармасының бастығы Ақмарал Серікбаева мәлімдеді, - деп хабарлайды Dauletten.kz.

Серікбаеваның айтуынша, құқық бұзушыларға әлеуметтік мекемелерде өз іс-әрекеттері жайлы ойлануға мүмкіндік берілген.

- Былтыр қабылданған түзетулерге сәйкес, 51 құқық бұзушы уақытша тұрғын үйден шығарылды. Оларға әлеуметтік мекемелерде өз әрекеттерін саралауға мүмкіндік берілді. Сонымен қатар, сот шешімімен 48 тәртіп бұзушыға денсаулық сақтау мекемелерінде мінез-құлқын мәжбүрлеп түзету шарасы тағайындалды. Олар полицияның қатаң бақылауында, – деді Серікбаева ОКҚ брифингінде.

Айта кетейік, 2023 жылдың қазан айында Қазақстанда отбасылық тирандарды тұрғын үйден шығару туралы жоспарланғаны хабарланған еді.