Жаңалықтар

Жасанды интеллект арқылы жасалатын интернет-алаяқтықтан сақ болыңыз

14.04.2026

мин

0

148

ІІМ-нің интернет-алаяқтықтың жаңа, қауіпті түрлері туралы ескерту жасады, - деп хабарлайды Dauletten.kz.

Қазіргі кезде алаяқтар жасанды интеллект технологияларын пайдаланып, адамдарды алдаудың күрделі тәсілдеріне көшкен.

Олар өздерін полиция қызметкерлері, ұлттық қауіпсіздік органдарының өкілдері немесе банк мамандары ретінде көрсету үшін жалған бейне, дауыс және суреттер жасайды. Тіпті бейнеқоңырау арқылы байланысқа шығып, шынайы адам сияқты әсер қалдырады. Осындай тәсілдер арқылы азаматтарды «күдікті операциялар» немесе «ақшаны қорғау қажет» деген сылтаумен қаражатты «қауіпсіз шоттарға» аударуға көндіреді.

Сонымен қатар алаяқтар:

• ресми органдардан келгендей көрінетін жалған хабарламалар мен құжаттар жібереді;
• мемлекеттік мекемелер немесе банктер атынан сөйлейтін чат-боттар мен автоматтандырылған сервистерді қолданады.

Министрлік маңызды ескерту жасайды: құқық қорғау органдары мен банк қызметкерлері ешқашан бейнеқоңырау арқылы ақша аударуды талап етпейді, құпия ақпарат сұрамайды және телефон арқылы қаржылық операция жүргізуді ұсынбайды.

Алаяқтықтан сақтану үшін:

• бейтаныс адамдардың ақша аудару туралы нұсқауларын орындамау;
• жеке және банк деректерін ешкімге бермеу;
• кез келген ақпаратты тек ресми дереккөздер арқылы тексеру қажет.

Егер алаяқтық әрекеттерге тап болсаңыз, дереу полицияға хабарлау керек.