Жаңалықтар

Жетісуда жаңа буын көшбасшыларын қалыптастыруға бағытталған жоба жүзеге асты

11.08.2026

мин

0

60

«Жетісу көшбасшылары» жобасы аясында жастарды көшбасшылыққа, әлеуметтік белсенділікке және soft skills дағдылары бойынша оқыту бағдарламасы табысты аяқталды, - деп хабарлайды Dauletten.kz.

Жоба Жетісу облысындағы жастардың көшбасшылық әлеуетін, әлеуметтік белсенділігі мен soft skills дағдыларын жүйелі түрде дамытуға, олардың қоғамдық-мәдени өмірге белсенді қатысуын қамтамасыз етуге және өңірлік деңгейде жаңа көшбасшы жастар пулын қалыптастыруға бағытталды.

 Жобаны Жетісу облысы ішкі саясаты басқармасының қолдауымен, «Азаматтық бастатамаларды қолдау орталығы» КеАҚ гранттық жобасы аясында, «Жоғары жастар кеңесі» ҚБ ұйымдастыруда.

Оқыту бағдарламасына жалпы саны 300-ге жуық жас қатысты. Оқу процесі онлайн және офлайн форматта ұйымдастырылып, келесі бағыттар бойынша жиыны 20 сессия өткізілді:

• Көшбасшылық және командалық басқару;
• Әлеуметтік жобаларды әзірлеу және іске асыру;
• Қоғамдық белсенділік және азаматтық жауапкершілік;
• Коммуникация және көпшілік алдында сөйлеу дағдылары;
• Сыни ойлау және шешім қабылдау;
• Уақытты басқару және эмоционалдық интеллект;
• Конфликтология және келіссөз жүргізу негіздері.

Бағдарлама жастардың тұлғалық дамуына, қоғамдық бастамаларға белсенді қатысуына және кәсіби құзыреттерін арттыруына бағытталды. Барлық сессияларды толық көлемде тыңдап, аяқтаған қатысушылар қатысу сертификаттарымен марапатталды.