Жұмабековтер отбасына @dauletten_qory 65-баспана кілтін табыстады. Көпбалалы отбасының арманын орындауға бірге себепкер болдық. Қоныс құтты болсын, қазақ елі!

Әкесі сырқаттанып ауруханада, анасы базарда арба сүйреп нәпақасын тауып жүрген еді. Бүгін отбасы үшін қуанышты күн. Алматы облысы Ұзынағаш қаласынан 120 шаршы метрлік, 8 сотық жерімен кең үйді 15 млн теңгеге алдынды. Отбасыға деп жиыны 1 млн теңгеге үйге қажетті техникалар сатып алдық. Оның ішінде тоңазытқыш, кір жуғыш машина, шаңсорғыш және газ плитасы бар. Үй иесі бірқатар жиһаздарын қалдырса, біз қосымша балаларға төсектер сатып алдық. 

Дәл осындай игі істі қолдайтын жомарт жандарға мың алғыс. Эльзат ханымның алғысы, шынайы көңілі көрініп-ақ тұр. Жасаған жақсылықтарыңыздың қайтарымы сіздерге еселенсін! Отбасының баспаналы болу арманы орындалды, енді балалардың әкесі тезірек сауығып кетсе екен деген тілегіміз бар. Сіздердің де армандарыңыз орындалып, тілектеріңіз қабыл болсыншы!