|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
“Ақтөбе” футбол клубының қызметіне байланысты сотқа дейінгі тергеу жүргізілуде, - деп хабарлайды Dauletten.kz Ақтөбе облысы прокуратурасына сілтеме жасап.
Ведомствоның мәліметінше, Бас прокуратураның тапсырмасымен “Заң және Тәртіп” тұжырымдамасы аясында клуб қызметі тексерілген.
Нәтижесінде 250 миллион теңге көлеміндегі қаржылық заңбұзушылықтар әшкереленді. Олардың қатарында футболшылардың трансферіне және әуе тасымалына қатысты күмәнді келісімдер бар. Бұдан бөлек, ойыншылардың тамақтануына арналған қаражат клуб қызметкерлерінің жеке мақсаттарына жұмсалғаны белгілі болды.
Тексеру қорытындысы бойынша облыстық прокуратура Қылмыстық кодекстің 189-бабының 4-бөлігінің 2) тармағы (сеніп тапсырылған ірі көлемдегі мүлікті иемдену), 361-бабының 4-бөлігінің 1) тармағы (қызметтік өкілеттікті асыра пайдалану) және 190-бабының 4-бөлігінің 2) тармағы (алаяқтық) бойынша үш қылмыстық іс қозғады.
Аталған істер тергеу жүргізу үшін Сыбайлас жемқорлыққа қарсы қызметке жолданды. Прокуратура істердің тергелу барысын өз бақылауына алған.
