Жаңалықтар

Доллар арзандады: Астана, Алматы және Шымкентте валюта бағамы қанша?

09.11.2026

0 мин

0

79

Сурет: Zakon.kz

Қазақстан Ұлттық банкі 9 қарашаға арналған шетел валюталарының ресми бағамын жариялады, - деп хабарлайды Dauletten.kz.

Қазақстанда доллар бағамы төмендеді. Ұлттық банктің 2026 жылғы 9 қарашаға арналған ресми мәліметіне сәйкес, бір АҚШ доллары 447,14 теңге болып белгіленді. Бұл 6 қарашадағы көрсеткіштен 4,73 теңгеге төмен.

Ал еліміздің ірі қалаларындағы валюта айырбастау пункттерінде доллардың сатып алу және сату бағамдары әртүрлі.

Астанада долларды орта есеппен 446,01 теңгеден сатып алып, 453,01 теңгеден сатып жатыр. Алматыда долларды сатып алу бағамы 448,72 теңге, сату бағамы 450,68 теңге болды. Шымкентте айырбастау пункттері долларды орта есеппен 448 теңгеден сатып алып, 451 теңгеден сатуда.

Сондай-ақ Ұлттық банктің ресми бағамы бойынша бір еуро 499,54 теңге, Ресей рублі 5,46 теңге, Қытай юані 67,03 теңге болып белгіленді.

Айта кетейік, валюта айырбастау пункттеріндегі бағамдар күн ішінде өзгеруі мүмкін.