|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Әлеуметтік желілерде Павлодар қаласы жаңа жылдық безендіруге 791,9 млн теңге бөлмек деген ақпарат тарады. Көпшілік бұл соманы тым жоғары деп сынады. Алайда әкімдік бұл мәліметтің дұрыс еместігін хабарлады, - деп хабарлайды Dauletten.kz
Мемлекеттік сатып алулар порталында жарияланған үш лоттың құны – 446,4 млн, 236,6 млн және 108,9 млн теңге. Алайда әкімдік бұл лоттар жаңа жылдық безендіруге арналмағанын түсіндірді.
Әкімдік өкілдерінің айтуынша, көрсетілген қаржы:
- жалпы қалалық сенбіліктерді ұйымдастыруға;
- санитарлық тазалық жұмыстарын жүргізуге;
- материалдар мен жүктемелерді тасымалдауға;
- мектеп, аурухана сияқты әлеуметтік нысандарға техника бөлуді қамтамасыз етуге;
- бау-бақша аумақтарынан қоқыс шығаруға арналған.
Яғни бұл қаражаттың жаңа жылдық безендіруге еш қатысы жоқ.
Әкімдік биылғы мерекелік безендіруге нақты 23 млн теңге бөлінетінін атап өтті. Бұл былтырғы 190 млн теңгеден сегіз есе аз.
