Жаңалықтар

Қазақстан – Қытай шекарасындағы бекеттер 3 күнге жабылады

29.09.2026

мин

0

66

Сурет: https://t.me/atamekenbusiness_qaz

Қазақстан – Қытай шекарасындағы автокөлік өткізу бекеттері 3 күн жұмыс істемейді, - деп хабарлайды Dauletten.kz.

Қазақстан мен Қытай арасындағы бірқатар автокөлік өткізу бекеттерінде 1–3 қазан аралығында адамдарды, көлік құралдары мен жүктерді өткізу уақытша тоқтатылады. Шектеу Қытай Халық Республикасының құрылған күніне байланысты мерекелік демалысқа орай енгізіліп отыр. Бұл ретте теміржол арқылы өтетін өткізу бекеттерінің жұмысы әдеттегі режимде жалғасады.

Мемлекеттік кірістер комитеті шекара арқылы өтуді жоспарлап отырған азаматтар мен жүк тасымалдаушыларға сапар уақытын алдын ала белгілеп, уақытша шектеулерді ескеруге кеңес берді.

Айта кетейік, бұған дейін 25 қыркүйекте Қытайдағы Орта күз мерекесіне байланысты Қазақстан–Қытай шекарасындағы автокөлік өткізу бекеттерінде уақытша шектеу қойылған болатын.