Жаңалықтар

Мемлекеттік шекарадан автокөлікті өткізу ережелері өзгерді

14.04.2023

1 мин

0

1321

Қазақстанның мемлекеттік шекарасы арқылы автокөліктер мен жүк көліктерін өткізу ережелеріне енгізілген толықтырулар қоғамдық талқылауға шығарылды, деп хабарлайды Dauletten.kz.

Жаңартылған ережелер туралы бұйрық 13 сәуірде Қаржы министрлігінің мемлекеттік кірістер комитеті ашық нормативті-құқықтық актілердің сайтында жариялады.

Бұйрықта электронды кезек жүйесіне жаңартулар енгізу туралы ұсыныстар айтылған.

Электрондық кезек жүйесіндегі бақылау-өткізу пунктіне көлік құралдарының кіруін бірінші кезекте (кезектен тыс) тіркеу туралы тармаққа жеделдетілген өту ақысын төлеген тұлғалардың (заңды, жеке тұлғалар) санаты қосылған.

Бұған дейін бұл тізімге тек үкіметаралық келісімдер негізінде тез бұзылатын және қауіпті жүктер, нысандағы тауарларға арналған декларация болған жағдайда Қазақстанның экспорттық әлеуетін дамыту мақсатында экспортқа арналған тауарлар, белгіленген пошта операторы, ірі көлемді (габаритті емес) және уәкілетті экономикалық операторлардың арнайы рұқсаты бар ауыр салмақты жүктер, Президент Әкімшілігі немесе Қаржы министрлігі басымдық (кезектен тыс) жол жүру құқығын берген тұлғалар кіретін. 

Құжат 27 сәуірге дейін қоғамдық талқылауда болады.
фото: autonews.ru