Бас прокуратура Chocolife басшысы Рамиль Мухоряповпен болған оқиғаны тексеріп жатыр.
Бұл туралы бас прокурордың орынбасары Әсет Шындалиев хабарлады.
Оның айтуынша, бұл оқиға бойынша тиісті сараптама тағайындалып, қорытындысы бойынша шешім қабылданады.
Еске салайық, Chocofamily Holding компаниясының негізін қалаушы және тең иесі Рамиль Мухоряпов төңірегіндегі жанжал өткен аптада тұтанған болатын. Кәсіпкердің қазақ тіліне қатысты мәлімдемесі дау туғызды. Мухоряпов орысша сөйлейтін қазақтардың орысша қойылған сұраққа қазақша жауап беруін «ұлтшылдық пен төмен мәдениеттің көрінісі» деп бағалады.
