Жаңалықтар

Ұлттық банк ҚБТУ мен “Нархоз” университетінде оқуға 19 грант ұсынады

16.07.2025

1 мин

0

233

Сурет: minkulturb.ru

Қазақстан Ұлттық банкі жетекші жоғары оқу орындарымен бірлесіп жүзеге асырылатын білім беру бағдарламалары аясында гранттық оқуға өтінім қабылдау басталғанын мәлімдеді, - деп хабарлайды Dauletten.kz.

2025 жылға арналған білім гранттары келесідей бөлінген:

• “Нархоз университеті” КЕАҚ бойынша “Қаржы талдаушысы”, “Қаржылық тәуекел-менеджмент”, “Макроталдау және болжау” бағыттарына – 5 грант;
• “Қазақстан-Британ техникалық университеті” АҚ бойынша “Қаржылық тәуекел-менеджмент және деректер туралы ғылым”, “Макроқаржы және деректер туралы ғылым”, “Қаржылық технологиялар” бағыттарына – 14 грант.

Аталған бағдарламалардың негізгі мақсаты – Ұлттық банк, оның еншілес ұйымдары және Қаржы нарығын реттеу және дамыту агенттігі үшін жоғары білікті кадрлар даярлау.

Оқу келесі салалар бойынша жүргізіледі: қаржы, экономика, қаржы технологиялары, бухгалтерлік есеп, тәуекел-менеджмент, статистика, эконометрика, математика, машиналық оқыту және бағдарламалау.

Білім беру бағдарламалары 2025 жылдың қазан айында басталып, екі академиялық жылды қамтиды.

Оқуға түсу үшін талапкерлер университеттер мен Ұлттық банктің талаптарына сай келіп, конкурстық іріктеуден өтуі тиіс. Бұл іріктеу “Қазақстан-Британ техникалық университеті” базасында 11–29 тамыз аралығында және “Нархоз университетінде” 4–6 қыркүйек аралығында өтеді.

Бағдарламаны сәтті аяқтап, әңгімелесуден өткен түлектерге Ұлттық банк, оның еншілес ұйымдары және Қаржы нарығын реттеу және дамыту агенттігінде жұмысқа орналасу мүмкіндігі ұсынылады.