Жаңалықтар

Астана – Петропавл тасжолында жол апатынан полиция қызметкері қаза тапты

04.11.2026

0 мин

0

86

3 қараша күні Астана – Петропавл тасжолында қайғылы жол-көлік оқиғасы болды. Қызметтік міндетін атқарып жүрген патрульдік полиция қызметкері жол апатынан алған ауыр жарақаттарының салдарынан көз жұмды, - деп хабарлайды Dauletten.kz.

Алдын ала мәліметке сәйкес, JAC маркалы автокөлік полицияның қызметтік көлігімен соқтығысқан. Жол апаты салдарынан ауыр жарақат алған тәртіп сақшысы ауруханаға жеткізілген. Алайда дәрігерлер оның өмірін сақтап қала алмады.

Болжам бойынша, JAC автокөлігінің жүргізушісі белгіленген жылдамдық режимі мен қауіпсіз арақашықтықты сақтамаған.

Қазіргі уақытта жүргізуші уақытша ұстау изоляторына қамалды. Оқиғаға қатысты тергеу амалдары басталды.

Жол апатының нақты себептері мен мән-жайы тергеу барысында анықталады.