|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Астана қаласының азаматтық істер жөніндегі ауданаралық сотында Мәжіліс депутаты Еділ Жаңбыршинге қарсы азаматтық талап-арыз қаралып жатыр. Талап арызды қазақстандық Виталий Шевченко түсірген. Істің туындауына Facebook әлеуметтік желісінде "ЛГБТ-ға насихаттауға тыйым салу туралы" заң жобасын талқылау кезінде болған пікірталас себеп болған, - деп хабарлайды Dauletten.kz Ұлысқа сілтеме жасап.
Сот материалдарында көрсетілгендей, дау әлеуметтік желідегі жазбалардың астындағы пікірлер барысында өрбіген. Виталий Шевченко депутаттың ұстанымын сынға алып, өзі тап болған кемсітушілік пен мектеп кезіндегі буллинг жайында жазған. Ал жауап ретінде, талапкердің айтуынша, депутат тарапынан қорлайтын әрі кемсітуші сипаттағы сөздер айтылған.
Талап-арызда Шевченко депутаттың бұл пікірлері оның ар-намысы мен қадір-қасиетіне нұқсан келтіреді деп санайтынын мәлімдеген. Ол соттан даулы сөздерді қорлайтын деп тануды және депутатты әлеуметтік желіде көпшілік алдында кешірім сұрауға міндеттеуді сұрап отыр.
Сот отырысы барысында тараптарды татуластыру әрекеті жасалғанымен, келісімге қол жеткізілмеген. Қазіргі таңда сот депутаттың сөз бостандығы мен жеке тұлғаны қорлау арасындағы құқықтық шекті анықтауы тиіс.
