Жаңалықтар

Қазақстан мен Өзбекстан арасындағы шекаралық өткізу бекеттері жаңартылған режимде жұмыс істейді

26.06.2026

мин

0

68

Өзбекстанмен шекарадағы бірқатар өткізу пункттері тәулік бойы жұмыс режиміне көшеді, — деп хабарлайды Dauletten.kz.

Мәжіліс 2006 жылғы 4 қыркүйектегі Қазақстан мен Өзбекстан үкіметтері арасындағы Қазақстан-Өзбекстан мемлекеттік шекарасы арқылы өткізу пункттері туралы келісімге Хаттамаға өзгерістер мен толықтырулар енгізу туралы хаттаманы ратификациялады. Құжатқа 2024 жылғы 8 тамызда Астанада қол қойылған.

Хаттама «Сырдария – Малик» және «Целинный – Ок олтин» өткізу пункттерінің мәртебесі мен жұмыс режимін «екіжақты» мәртебеден «халықаралық (көпжақты)» мәртебеге ауыстыру, сондай-ақ жұмыс режимін «күндізгі уақыттан» «тәулік бойы» режимге өзгерту көзделген.

Бұл өзгерістер өткізу бекеттерінің өткізу қабілетін арттыруға, жүк және жолаушылар ағынын жеделдетуге, сондай-ақ Қазақстан мен Өзбекстан арасындағы транзиттік-көліктік әлеуетті дамытуға бағытталған.