«Оқуға құштар жас» республикалық кітап байқауы «Dauletten» қайырымдылық қоры» жеке қорының бастамасымен және ҚР Ұлттық академиялық кітапханасы мен «Қазақстан студенттер Альянсы» ҚБ бірлесе ұйымдастырады. Кітап оқу жарысы республикамыздағы жастардың кітап оқуға деген құштарлығын арттыруға бағытталған. Байқауға 18-35 (қоса алғанда) жас аралығындағы жастар қатыса алады. 

Байқау мақсаты – халық арасында кітап оқу мәдениетін насихаттау, жастардың кітап оқуға деген қызығушылығын арттыру, білімді, талантты жастарды анықтау.

Байқау міндеттері:

• Әлем әдебиеті және қазақ әдебиеті шығармаларын талдау;
• жастардың жаңа орта табуына жағдай жасау;
• республика аумағында әр түрлі кітап жарыс байқауын өткізу;
• кітапхана оқырмандары, студенттердің интеллектуалдық пайым-парасатын арттырып, кітап оқу мәдениетін қалыптастыруға ықпал ету.

Үздік деп танылған жастарақшалай және қосымша сыйлықтармен марапатталады:

• Бас жүлде – Дубайға жолдама (Saparla Travel компаниясының сыйлығы);
• 1 орын – 200 000 (екі жүз мың) теңге;
• 2 орын – 150 000 (жүз елу мың) теңге;
• 3 орын – 100 000 (жүз мың) теңге;
• 10 финалистке – 50 000 (елу мың) теңгеден.

Жобаға қатысуға өтінім 10 маусымға дейін қабылданады. 
Байқау туралы ЕРЕЖЕ.