Жаңалықтар

12 тамызға арналған ауа райы болжамы

12.08.2025

1 мин

0

159

Сурет: qaz-media.kz

12 тамыз күні еліміздің басым бөлігінде ауа райы құбылмалы болады. Синоптиктердің мәліметінше, солтүстік және орталық аймақтарда нөсер жаңбыр жауып, найзағай ойнайды, бұршақ жаууы және желдің екпіні 25–28 м/с-қа дейін күшеюі мүмкін, - деп хабарлайды Dauletten.kz.

Оңтүстік өңірлерде, соның ішінде Қызылордада шаңды дауыл тұрып, Түркістан мен Шымкентте ауа температурасы +40°C-қа дейін көтеріледі. Алматы мен Жетісу облыстарында да аптап ыстық күтіледі.

Батыс және солтүстік-батыс аймақтарда найзағай мен дауыл болжанып отыр. Республика аумағында өрт қаупі жоғары және төтенше деңгейде сақталуда.

Астанада күн ала бұлтты, жаңбыр жауады. Күндіз ауа температурасы +20+22°C, желдің жылдамдығы 9-14, екпіні 15-20, кей уақыттарда 25 м/с-ге жетеді. 

Алматыда күн ала бұлтты. Күндіз ауа температурасы +35+37°C, желдің жылдамдығы 3-8 м/с.

Шымкентте күн ала бұлтты. Күндіз ауа температурасы +37+39°C, желдің жылдамдығы  8-13 м/с.