|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
2025 жылдың қаңтар-маусым айлары аралығында Қазақстан экономикасы 6,2 пайызға өсті, - деп хабарлайды Dauletten.kz.
Үкімет отырысында премьер-министрдің орынбасары, ұлттық экономика министрі Серік Жұманғарин ел экономикасы оң серпін көрсетіп отырғанын атап өтті.
Министрдің айтуынша, бұл өсім қарқыны алғашқы бес айдағы көрсеткішпен салыстырғанда 0,2 пайызға жоғары. Сонымен қатар, бұл – соңғы 14 жылдағы ішкі жалпы өнім өсімінің ең жоғары деңгейі. Салыстырмалы түрде, өткен жылы осы кезеңде өсім 3,2 пайызды құраған.
Нақты секторда 8 пайыздық өсім тіркелген. Қызмет көрсету саласында 5,2 пайызға өсім байқалған. Көлік (+22,7 пайыз) пен құрылыс (+18,4 пайыз) салалары экономикалық өсімге айтарлықтай үлес қосқан.
Сонымен қатар, сауда саласында жандану, ал тау-кен өнеркәсібінде тұрақты өсім байқалады (+8,4 пайыз). Өңдеу өнеркәсібінде 5,5 пайыз, ауыл шаруашылығында 3,7 пайыз өсім тіркелген.
