Жаңалықтар

Құрылтай сайлауы: азаматтардың қанша пайызы дауыс берді?

23.08.2026

мин

0

109

Сағат 16:00-дегі жағдай бойынша сайлаушылардың 65,37%-ы дауыс берді, — деп хабарлайды Dauletten.kz.

Орталық сайлау комиссиясының мәліметінше, сағат 16:00-дегі жағдай бойынша Қазақстанда 8 240 336 сайлаушы бюллетень алған. Бұл сайлаушылар тізіміне енгізілген азаматтардың 65,37%-ын құрайды.

Өңірлер арасында дауыс беруге қатысу деңгейі бойынша Қызылорда облысы көш бастап тұр. Мұнда сағат 16:00-дегі жағдай бойынша сайлаушылардың 81,38%-ы бюллетень алған.

Жоғары көрсеткіштер Шығыс Қазақстан облысында — 79,33%, Жетісу облысында — 77,03% және Түркістан облысында — 76,73% тіркелді. Ақтөбе облысында сайлаушылардың 75,63%-ы, Ақмола облысында 73,69%-ы дауыс беруге қатысқан.

Сонымен қатар Абай облысында бұл көрсеткіш 71,18%, Қарағанды облысында 70,91%, Қостанай облысында 70,09%, Жамбыл облысында 69,11% болды.

Қалалар арасында Шымкентте сайлаушылардың 67,92%-ы бюллетень алған. Астанада бұл көрсеткіш 46,38%, Алматы қаласында 36,65%-ды құрады.

Басқа өңірлердегі сайлаушылардың дауыс беруге қатысу көрсеткіші:

* Алматы облысы — 67,23%;
* Атырау облысы — 63,37%;
* Батыс Қазақстан облысы — 61,81%;
* Маңғыстау облысы — 65,86%;
* Павлодар облысы — 67,06%;
* Солтүстік Қазақстан облысы — 63,94%;
* Ұлытау облысы — 64,29%.

Орталық сайлау комиссиясы бұл мәліметтерді астананың, облыстардың және республикалық маңызы бар қалалардың аумақтық сайлау комиссиялары ұсынған деректер негізінде жариялады.

Сайлаушылардың дауыс беруге қатысуы туралы келесі ақпарат сағат 18:00-де беріледі.