Жаңалықтар

Балаларды терезеден құлаудан қалай қорғауға болады?

23.08.2026

мин

0

138

Терезелердің ашық қалуы балалар үшін үлкен қауіп төндіреді. Терезеден құлау ауыр жарақатқа, мүгедектікке немесе қайғылы жағдайға әкелуі мүмкін, — деп хабарлайды Dauletten.kz.

Балалардың терезеден құлау жағдайларының алдын алу үшін ата-аналар мен балалардың қауіпсіздігіне жауапты ересектер қарапайым, бірақ маңызды ережелерді сақтауы қажет.

ТЖМ ескертеді: баланы терезеден құлаудан қорғаудың негізгі шаралары:

Терезелерге арнайы қауіпсіздік құлыптары мен шектеуіш құрылғыларын орнатыңыз. Мұндай құрылғылар баланың терезені өздігінен ашуына жол бермейді.

Терезе маңына жиһаз қоймаңыз. Орындық, үстел, диван, төсек және басқа да жиһаздар баланың терезеге көтерілуіне мүмкіндік беруі мүмкін.

Москит торына сенбеңіз.
Москит торы баланың салмағын көтеруге арналмаған және құлаудан қорғамайды.

Балаларды ашық терезенің жанында қараусыз қалдырмаңыз.
Баланың қауіпсіздігіне бірнеше секундтық назарсыздықтың өзі қауіп төндіруі мүмкін.

Балаларға терезеге қатысты қауіпсіздік ережелерін түсіндіріңіз. Терезеге шығуға, терезе алдына отыруға және ашық терезеге жақындауға болмайтынын балаға үнемі ескертіп отырған жөн.

Балалардың терезеден құлау жағдайларының алдын алу үшін қауіпсіздік шараларын алдын ала қабылдау маңызды. Үйдегі барлық терезені тексеріп, қажет болған жағдайда арнайы қорғаныс құрылғыларын орнатыңыз.

Бала қауіпсіздігі – әрбір ересектің жауапкершілігі.