Жаңалықтар

Ұзақ жолдағы басты мәселе шешіле ме? Интернет қосылатын бағыттар анықталды

09.09.2026

мин

0

173

Сурет: Sputnik Kazakhstan

Қазақстан пойыздарында жоғары жылдамдықты Starlink интернеті пайда болды, — деп хабарлайды Dauletten.kz.

Енді пойызда жол жүріп бара жатып та видео көріп, жұмыс істеуге болады: «Қазақстан темір жолы» жолаушылар үшін Starlink спутниктік интернетін іске қосты. Бүгінгі таңда заманауи байланыс жүйесі еліміздің 31 бағыты бойынша қатынайтын 59 пойыз құрамында қолжетімді.

Қазақстанда теміржол жолаушылары үшін сапар кезіндегі басты қолайсыздықтардың бірі жойылмақ. Қала арасында қатынайтын пойыздарда Starlink спутниктік интернет желісі толықтай жұмыс істей бастады.

Қазіргі уақытта жаңа технологиямен 770-тен астам вагон жабдықталған. Жолаушылар сапар бойы мессенджерлер арқылы хабарласып, әлеуметтік желілерді толыққанды пайдалана алады.

Спутниктік интернет қосылған негізгі бағыттар:

 Астана (Нұрлы жол) бағытынан: Алматы, Өскемен, Орал, Петропавл;

 Алматы бағытынан: Өскемен, Ақтөбе (Ақтөбе – Алматы-1), Павлодар;

 Өңіраралық маршруттар: Қызылорда – Семей, Маңғыстау – Ақтөбе, Орал – Маңғыстау, Ақтөбе – Қазалы, Ақтөбе – Атырау.

Жоба аясы мұнымен шектелмейді. Ағымдағы қыркүйек айының соңына дейін спутниктік байланысты 50 бағыттағы 124 пойызға дейін жеткізу жоспарланған. Бұл дегеніміз — ел бойынша 1 235 вагон жоғары жылдамдықты интернетпен қамтылады деген сөз. Жолаушыларға арналған базалық интернет пакеті тегін ұсынылады.